Aquesta modèsta plaça sul malhum, que anomenérem The Catalan Wargames Resource, nos agradariá que vengués un punt de referència pels aficionados dels jòcs, un centre d'escambi de ressorças (ressorças que nosaltris jogaires consumam amb una voracitat inimaginabla e insadolabla); amb l'esperança que l'iniciativa aquesta dóne enveja a d'altris clubs, segurament mai poderoses que lo nòstre, d'assumir un ròtle que nos fa mestièr a totis coma lo pan que manjam.

En pratica, i a totjorn un reirefons, una faiçon d'èsser o de pensar qu'ensajam pas d'amagar: Nos sentém orgolhoses d'èsser lo que sèm, e nos agrada de contribuir a la permanència e a l'avenidor de la societat ont vivèm. Ara que sèm gaireben a la debuta del sègle novèl, mantenir lo nòstre país a la "crèsta de l'onda" pòt voler díser un fum de causas grandiloquentas, de politica o quitament de finança nauta... çaquelà vòl tanben díser, e d'un biais fòrça significatiu, que la nòstra societat pèrda pas lo contacte amb las causas pichonas, quotidianas... e una d'aquelas es lo mond dels hòbbies. "Normalizar" lo país significa tanben aiçò: que la nòstra lenga trape tornar lo sieu ròtle natural coma instrument quotidian de relacion.

Tabé en lo mond dels hòbbies, d'on es vergonhosament absenta. Volèm poder jogar en la nòstra lenga. Aiçò siá clar, aiçò ane plan... clar i català, plan e occitan.